Ахәаахәҭра-ааглыхратә палата иазкны

Аҧсны Аҳәынҭқарра Ахәаахәҭра-ааглыхратә палата ари:

Аҧсны Аҳәынҭқарра анаплакқәеи анаплакыҩцәеи еидызкыло икоммерциатәым еиҿкаароуп;

Абизнес арҿиара иацхраауа амаҵзурақәа ркомплекс ауп;

Зыҩаӡара ҳараку аспециалистцәа рколлектив;

Жәларбжьаратәи аимадара ҭбаақәа;

Зфинанстәи зекономикатәи ҭагылазаашьақәа Аҧсны еиҧш уи анҭыҵгьы анаплакраҿы ишпартниорцәа бзиақәоу шьақәзырӷәӷәо, Иҳәынҭқарратәым ареестр иалалаз анаплакқәеи анаплакыҩцәеи русура аҟны ахәдықәҵа;

Аҧсны Аҳәынҭқарра Ахәаахәҭра-ааглыхратә палата аҧҵан хәажәкыра 17 2002 шықәсазы Аҧсны Аҳәынҭқарра Ахада иусҧҟала.

«Аҧсны Аҳәынҭқарра Ахәаахәҭра-ааглыхратә палата азы» азакәан инақәыршәаны Аҧсны Аҳәынҭқарра Ахәаахәҭра-ааглыхратә палата – Аҧсны Аҳәынҭқарра анаплакқәеи анаплакыҩцәеи еидызкыло икоммерциатәым еиҿкаароуп.

Апалата аусураҟны ихадароу хырхарҭас иҟоуп атәылаҿы абизнес маҷи ибжьаратәу абизнеси рекономикатә активра аизырҳаразы аҭагылазаашьақәа раҧҵара.

Аҧсны аусеицуразы знапаҵаҩу аиқәшаҳаҭрақәа:

  • ЗҲӘА «Абаза-ТВ»
  • Аҳәынҭқарратә усбарҭақәа русзуҩцәеи ауаажәларратә маҵзура аусзуҩцәеи рыпрофессионалтә еидгыла Ареспубликатә комитет
  • Агәабзиарахьчара аусзуҩцәа рыпрофессионалтә еидгыла Ареспубликатә комитет
  • Ақыҭанхамҩеи аиҭаҟаҵаратә ааглыхреи русзуҩцәа рыпрофессионалтә еидгыла Ареспубликатә комитет
  • Акультуреи аспорти русзуҩцәа рыпрофессионалтә еидгыла Ареспубликатә комитет
  • Атранспорт аусзуҩцәа рыпрофессионалтә еидгыла Ареспубликатә комитет
  • Аимадара аусзуҩцәа рыпрофессионалтә еидгыла Еизаку акомитет
  • ГНПО (СФТИ) аусзуҩцәа рыпрофессионалтә еидгыла Еизаку комитет
  • Аенергетика аусзуҩцәа рыпрофессионалтә еидгылатә комитет
  • Ахәаахәҭреи акоммерциатә маҵзурақәеи русзуҩцәа реидгыла Ареспубликатә комитет
  • Аҧсны Аҳәынҭқарра Ақыҭанхамҩа аминистрра
  • Аҧсны Аҳәынҭқарра астандартқәеи, аметрологиеи, асертификациеи рзы аҳәынҭқарратә усбарҭа

Апалата имҩаҧнаго аусқәа рымҽхак ҭбаауп: Аҧсны аҳәаақәа рҿы аконференциақәа реиҿкаара инаркны, атәыла адәныҟатәи аполитика аҽалархәра аҟынӡа, аҳәаанырцәтәи Апалатақәа рымадара ала.

Аҧсны Ахәаахәҭра-ааглыхратә палатеи Урыстәылатәи Афедерациа арегионалтә палатақәеи рыбжьара знапаҵаҩу аиқәшаҳаҭрақәа ирыбзоураны аинформациа аимадара алыршахоит, насгьы аекономикатә еизыҟазаашьақәа зыбжьоу асубиектқәа рыбжьара ашәахтәқәа рымҩаҧгашьеи, аалыҵ аекспорти, аимпорти, атауарқәеи атраспорттә хархәагақәеи аҳәаа рахысра аҧҟарақәеи, уҳәа зыӡбара аҳәынҭқарратә биуџьет ибзианы ианыҧшуа егьырт азҵаарақәеи рыӡбарала ҳнаплакыҩцәа раалыҵ ахархәара амҽхак ҭбаахоит Аҧсны аҩнуҵҟеиҧш уи анҭыҵгьы, иара убри алагьы Аҧсны аекономика аҿиара акырӡа еиҳау аҩаӡарахь ишьҭыҵуеит.

Аиқәшаҳаҭрақәа зыбжьоу Аҧсны Ахәаахәҭра-ааглыхратә палатеи аҳәаанырцәтәи апалатақәеи рсиа:

  • Иорданиа Ахәаахәҭра-ааглыхратә палата
  • Урыстәылатәи Афедерациа Ахәаахәҭра-ааглыхратә палата
  • Чили Ахәаахәҭра-ааглыхратә палата

  • Ареспублика Таџьикистан Ахәаахәҭра-ааглыхратә палата
  • Ҟабарда-Балкариатәи Ареспублика Ахәаахәҭра-ааглыхратә палата
  • Ҟарачы-Черкессктәи Ахәаахәҭра-ааглыхратә палата
  • Нхыҵ Уаҧстәылатәи Ареспублика (Аланиа) Ахәаахәҭра-ааглыхратә палата
  • Дагестан Ареспублика Ахәаахәҭра-ааглыхратә палата
  • Башкортостан Ареспублика Ахәаахәҭра-ааглыхратә палата
  • Ингуштәи Ареспублика Ахәаахәҭра-ааглыхратә палата
  • Аахыҵ Уаҧстәылатәи Ареспублика Ахәаахәҭра-ааглыхратә палата
  •  Ареспублика Адыгеиа Ахәаахәҭра-ааглыхратә палата

  • Курсктәи аобласт Ахәаахәҭра-ааглыхратә палата
  • Ростовтәи аобласт Ахәаахәҭра-ааглыхратә палата
  • Саратовтәи аобласт Ахәаахәҭра-ааглыхратә палата
  • Самаратәи аобласт Ахәаахәҭра-ааглыхратә палата
  • Смоленсктәи аобласт Ахәаахәҭра-ааглыхратә палата
  • Тамбовтәи аобласт Ахәаахәҭра-ааглыхратә палата
  • Оренбургтәи аобласт Ахәаахәҭра-ааглыхратә палата
  • Пензатәи аобласт Ахәаахәҭра-ааглыхратә палата
  • Краснодартәи атәылаҿацә Ахәаахәҭра-ааглыхратә палата
  • Ставропольтәи атәылаҿацә Ахәаахәҭра-ааглыхратә палата

  • Белогородтәи Ахәаахәҭра-ааглыхратә палата
  • Белореченсктәи Ахәаахәҭра-ааглыхратә палата
  • Крыловсктәи Ахәаахәҭра-ааглыхратә палата
  • Кушьевсктәи Ахәаахәҭра-ааглыхратә палата
  • Твертәи Ахәаахәҭра-ааглыхратә палата
  • Тульсктәи Ахәаахәҭра-ааглыхратә палата
  • Новороссиисктәи Ахәаахәҭра-ааглыхратә палата
  • Орловтәи Ахәаахәҭра-ааглыхратә палата
  • Риазантәи Ахәаахәҭра-ааглыхратә палата
  • Севастопольтәи Ахәаахәҭра-ааглыхратә палата
  • Темриуктәи Ахәаахәҭра-ааглыхратә палата
  • Туапсатәи Ахәаахәҭра-ааглыхратә палата
  • Таганрогтәи араионбжьаратә Ахәаахәҭра-ааглыхратә палата
  • Улиановтәи Ахәаахәҭра-ааглыхратә палата

  • Анапа ақалақь Ахәаахәҭра-ааглыхратә палата
  • Абинс ақалақь Ахәаахәҭра-ааглыхратә палата
  • Армавир ақалақь Ахәаахәҭра-ааглыхратә палата
  • Волгоград ақалақь Ахәаахәҭра-ааглыхратә палата
  • Дзержинск ақалақь Ахәаахәҭра-ааглыхратә палата
  • Каменс-Шахтински ақалақь Ахәаахәҭра-ааглыхратә палата
  • Курганинск ақалақь Ахәаахәҭра-ааглыхратә палата
  • Шәача ақалақь Ахәаахәҭра-ааглыхратә палата

Аҧсны Аҳәынҭқарра Ахәаахәҭра-ааглыхратә палатеи аиҿкаарақәеи рыбжьара аиқәшаҳаҭрақәа:

*Урыстәылазегьтәи ауаажәларратә еиҿкаара «Аусуратә Урыстәыла»  Риазантәи арегоналтә ҟәша Кавказтәи абизнесменцәа Рауаажәларратә еиҿкаара «KAFIAD» (Ҭырқәтәыла)

*Афедералтә ҳәынҭқарратә усбарҭа «Урыстәылатәи Афедерациа Аиустициа аминистрра иатәу Аҳәынҭқарратә ҭаҩратә палата»  Агәҭакқәа рыҧкаанҵа «Приднестровие ааглыхыҩцәеи, аграрицәеи, анаплакыҩцәеи реилазаара»

Аҧсны анаплакыҩцәа абарҭ арегионқәа економикала аус рыцура рҭахны иҟалозар, урҭ русура иадҳәалоу азҵаарақәа рҵыхәала Аҧсны Аҳәынҭқарра Ахәаахәҭра-ааглыхратә палатахь ааиразы алшара рымоуп. Абизнес-планқәа рышьақәыргылара, аекномика аусхкаҿы аус зуа азакәанҧҵаразы аинформациа, аҳазалхратә баџьқәа, атауарқәа хылҵшьҭрас ирымоу атәылазы асертификатқәа рыҭара – абизнес маҷи абжьаратә бизнеси ирызку зегьы рзы араҟа аконсультациақәа шәзыҟарҵоит, шәҿаҧхьа иқәгылоу азҵаарақәагьы еиҳа имарианы еффективла ишәыӡбартә еиҧш шәҟалоит.