Ҧхынҷкәын 8 инаркны 12-н ҿа Аҧсны Аҳәынҭқарра Ахәҳаахәҭра-ааглыхратә палата ахада ихаҭыҧуаҩ Сенер Гогәуа Ҭырқәтәыла аустә визитла иаҭаара иалагӡаны дырҧылеит ақ. Конжаели ақ. Гебзе Ахәҳаахәҭра-ааглыхратә палатақәа рхадацәа.

Аиҧылараҿы ирылацәажәан ҳара ҳтәылақәа рыбжьара ахәҳаахәҭра-економикатә еимадарақәа рыбжьаҵара азҵаатәқәа. Иааигәо аамҭаза аҭактә визитла ақ. Конжаели ақ. Гебзе Ахәҳаахәҭра-ааглыхратә палатақәа  рделегациа Аҧсны аҭаара азгәаҭоуп.

Иара убас имҩаҧган ақ. Гебзе Еиҿкаау ааглыхратә зона ахантәаҩы Вахит Иылдирим иҧылара. Ҭырқәтәыла атәылаҿацәқәа рҿы Еиҿкаау ааглыхратә зонақәа еиҿкаауп абизнес маҷи абжьаратә бизнес адгылара аҭаразы.

Аиҧылараҿы ирылацәажәан аҩ-тәылак рбизнесуаа реимадара арҿиара азҵаатәы, иалацәажәан иара убас, Аҧсни Урыстәылеи рыбжьара знапы аҵаҩу аиқәшаҳаҭра. Сенер Гогәуа ахадара ахантәаҩы Аҧсныҟа ааҧхьара ииҭеит аинвестициақәа ралагалара азҵаара иаҳа инарҭбааны алацәажәаразы.