Мшаԥы 25 отель Атриум Викториа аконференц-зал аҿы имҩаԥган Аԥсны Аҳәынҭқарра Ахәаахәҭра-ааглыхратә палатеи Пиатигорсктәи ахәаахәҭра-ааглыхратә палатеи рыбжьара аиԥылара, асысцәа еиҳабыс ирымаз ААП апрезидент  карташова Л.Г. ирыцын Пиатигорсктәи анапалакыҩцәа, еиуеиԥшым аусхқәа рганқәа рыла: ЗҲәА «БИС», ЗҲәА «Togas Professional» ахәаахәҭра-бжьаҟазаратә усура, ЗҲәА «ТТС-21», ЗҲәА «Ставмолопторг» аргылара, ЗҲәА «Машук» асанатортә-курортә усура, ЗҲәА «Жилье-Комфорт». Аиԥылара иалахәын Аԥсны аекономика аминистрра ахаҭарнак Арӡынба Адгәыр Амиран-иԥа, Урыстәыла Афедирациа Ахәаахәҭратә хаҭарнак  Грибова Викториа Иван-иԥҳа, Анаплакыҩцәа рхеилак ахантәаҩы Осиа Леонид Дырмит-иԥа, ААП  алахәылацәеи анапалакыҩцәеи.

Бзиала шәаабеит ҳәа аиԥылара ааиртит АА ААП апрезидент Гагулиа Г.Л., анаҩс аҭабура ажәала дықәгылеит Пиатигорсктәи ААП Карташова Л.Г., лара ирыдылгалеит авидио-цәыргара апалата аусуразы.

Аиԥылара ахықәкқәа иреиуоуп Аԥсны абизнес-еилазаара Пиатигорсктәи аекономика алшарақәа рабардырра, иара убас амаҷи абжьаратә бизнес наплакқәеи рыбжьаратә усеицура арӷәӷәареи.

Ари аиԥылара ахыркәшан аусеицуразы аҩганктәи аиқәышаҳаҭра рнапы аҵаҩын, хықәкыс ишьҭыхны аиқәыршәареи аимадареи  аԥшаара, аҩганкгьы рзи ифеидоу аизыҟазаашьақәа рыбжьаҵара.