Иунь 17 АА ААП аделегациа, АА ААП ахада Гагәылиа Г.Л. хадара ззиуа, Ҭырқәтәыла, ақ. Сҭамбыл аусуратә визитла иҟоу имҩаԥнагеит ақ. Сҭамбыл иҟоу Урыстәыла Агенералтә хаҭарнакра аиҳабы Ерхов Алексеи Владимир-иԥа афициалтә иԥылара.

Аиԥылараҿы аганқәа ирылацәажәеит  Аԥсны Ҭырқәтәыылеи рыбжьара иҟоу ахәаахәҭра-економикатә еизыҟазаашьақәа рызҵаара. «Иахьатәи амш азы Аԥсни Ҭырқәтәылеи ртауареикәшара наӡоит 100 млн.доллар,  ари ахыԥхьаӡара азҳара иаҿуп. Инеизакны уахәаԥшуазар, аҩ-тәылак рнапалакыҩцәа русуратә еимадареи русеицуреи ирласны аҿиара иаҿуап, аха макьана иҟоуп иҟоуп апроблемақәа рацәаны, урҭ рыӡбара иалнаршон аҭыырқәуа бизнес еилазаара аҿы аизыҟазаашьақәа аҽырӷәӷәара»,- иазгәеиҭеит АА ААП ахада Гагәылиа Г.Л.

Аганқәа иазгәарҭеит, Урыстәылеи Аԥсни  рыбжьара иҟоу аиқәшаҳаҭра, иара ианаҭо Аԥсны иаарыху аалыҵ абаџь ахымшәаакәа Урыстәылаҟа алагалара ианаҭоит алшарақәа, Аԥсны аинвестициатә зҿлымҳара змоу регионны ҭырқәтәылатәи анапалакыҩцәа рзы, иара убас алшарақәа рацәаны иазаанартуеит.

«Ҳара ҳеигәырӷьоит Аԥсны анапалакыҩцәа аус рыцура, ҳақәшаҳаҭуп аусуратә аусеицура азы аммадарақәа рыбжьараҿы ацхыраара аҟаҵара. Ҳара еснагь Аԥсны ҳадгылон, аԥхьаҟагьы адгылара азааулоит, Аԥсни аԥсуа жәлари рызҵаатәқәа рҿы ацхыраара раҳҭалоит. Сақәгәыӷуеит, аусеицурала Аԥсны амааира дуқәа агап ҳәа»,- иҳәеит ақ. Сҭамбыл Урыстәыла ацҳаражәҳәаҩ Ерхов А.В.