Ааглыхыҩцәа рыклуб ааҧхьарала Аҧсны Аҳәынҭқарра Ахәҳахәҭра-ааглыхратә палата 2014 шықәсазы 10 инарккы 15 нӡа март, Германиа иаҭааит. Аделегациа хадара азиуан Аҧсны Аҳәынҭқарра Ахәҳахәҭра-ааглыхратә палата ахада Гагәылиа Геннади Леонид-иҧа.

Аделегациа даара иҭҭәаау аустә мшқәа мҩаҧыргеит, дара еиҿыркааит Германиа Ахәҳахәҭра-ааглыхратә палата аиҧылара, анапалакыҩцәа реиҧылараҿы излацәажәоз атема Аҧсны Аинвестициатә зҿлымҳара акәын, Аҧсны аартра адуекизегь еицырдыруа жәларбжьаратәи афирмақәа рхаҭарнакрақәа раантра.

Аделегациа раҧхьатәи амш аҽны реиҧылара еиҿкаар Урыстәыла Афедирациа ахәҳаахәҭратә хаҭарнак Андреи Зверев иҧылара. Аиҧылара аиҩызаратә ҟазшьа аманы имҩа рысит. Аиҧылараҿы иалацәажәан Аҧсни Германиеи рнапалакыҩцәа реимадара азҵаара. Ахәҳаахәҭратә хаҭарнак ацхыраара аҟаҵараҿы дазыхиоуп ахаҭарнакра амҩала аимадарақәа рыбжьаҵаразы.

Ахәҳахәҭра-ааглыхратә палата аделегациа имҩаҧнагеит Германиа Ахәҳахәҭра-ааглыхратә палата аҧылара. Уи аиҧылара иалҵшәахеит Аҧсны Аҳәынҭқарра Ахәҳахәҭра-ааглыхратә палатеи Германиа Ахәҳахәҭра-ааглыхратә палатеи рыбжьара аусеицура  еиуеиҧшым ахырхарҭақәа рыла аиқәшаҳаҭра, уи ала Аҧсни Германиеи рнапалакыҩцәа реимадара еизҳауеит.

 Аҧсны аҳәынҭқарра Ахәҳахәҭра-ааглыхратә палат Германиа аҭаараҿ иналукааша аҭыҧ аанакылоит  Подсдам ааглыхыҩцәа рыклуб аконференциаҿы Гагәылиа Геннади Леонид-иҧа иқәгылара. Аконференциа рхы аладырхәит 80 инарееиҳаны анапалакыҩцәа: адунеи аҿы еиҳаӡоу акомпаниақәа ируаку «Порше Центр» аиҳабыра, аконцерн «Лексус» аиҳабыра, Луи Вуитон, Живанши, Фенди, Кристиан Диор, Булгари.

Аиҿкаацәа рыпрограмма инақәыршәаны иааикәыршаны афиша рацәа икнаҳази аусуратә мшқәа зегьы рыҩныҵҟа ирыларҳәон аконференциа асас ҷыдас дшыҟаз акоференциаҿы ажәахә иманы дшықәгыло Аҧсны Аҳәынҭқарра Ахәҳахәҭра-ааглыхратә палата Ахада Гагәылиа Геннади Леонид-иҧа.

Аконференциа аусура иалагеит Аҧсны Аҳәынҭқарра  ацәыргара ала. Аконференциа алахәылацәа ирыдгалан авидиоролик Аҧсны иазкыз, атуризми ақыҭанхамҩеи абуклетқәа. Асасцәа аҧсуа чыси аҩи ауаткеи агьамабара рыдгалан.