Ажәабжьқәа

Аҧсны Аконституциа Амш

26.11.2014

Ҳаҭыр зқәу аҩызцәа, Аҧсны Аҳәынҭқарра Ахәҳахәҭра-ааглыхратә палата аҧсуа жәлар зегьы ишәыдныҳәалоит Ари амш ныҳәа ала.

1994 шықәса, абҵара 26 Аҧсны Аҳәынҭқарра Иреиҳаӡоу Ахеилак иаднакылеит “Аҧсны Аҳәынҭқарра- ихьаҧшым, идемократиатәу, изинтәу аҳәынҭқарра аконституциа”, иара убри амш аҽны адепутатцәа раҧхьатәи атәыла ахадас далырхит уи аҧхьа Иреиҳаӡоу Ахеилак Хантәаҩыс иҟаз Владислав Арӡынба. Аҧсны Аҳәынҭқарра Аконституциа адкылара мҩаҧысуан атәыла аекономикатә блокада ианҭагыла аамҭа уадаҩқәа раан. Иуҳәар ауеит, атәыла Аконституциа адкылара мҩаҧган ахҵәареи арбгарақәеи, анҭыҵтәи ашәарҭареи рҭагылазаашьақәа рҿы. Иахьа Аҧсны Аҳәынҭқарра Аконституциа – атәыла ихадоу закәануп, аҳәынҭқарра зегьы иагәыцәуп. Ари хадара зуа ашәҟәы Ахәҭаҷ 1 иаҳәоит “Аҧсны Аҳәынҭқарра- ихьаҧшым, идемократиатәу, изинтәу аҳәынҭқарроуп ҳәа”.