Цәыббра 16 инаркны 19-нӡа Атуроператорцәа рхеилак «TURSAB» атурагентра «Akmus» рааҧхьарала Аҧсны Аҳәынҭқарра Ахәҳаахәҭра-ааглыратә палата аделегациа аҭактә ыизитла иаҭааит Ҭырқәтәыла, аделегациа ахадара азиуан Аҧсны Аҳәынҭқарра Ахәҳаахәҭра-ааглыхратә палата ахада Гагәылиа Геннади. Аделегациа иалан атуризм аҟәша, аресторантә бизнес, ахәҳаахәҭра, абанктә ҟәша уҳәа убас егьырҭгьы Аҧсны анапалакыҩцәа 22. Ҭырқәтәыла аҭаара аҳәаақәа ирҭагӡаны Аҧсны аделегациа аиҧыларақәа акымкәа имҩаҧнагеит. Цәыббра 16 имҩаҧган ақ. Коџьаели АК апартиа ахантәаҩы Махмуд Чивелик, ақ.Коџьаели амер ихаҭыҧуаҩи 150-ҩык ақалақь анапалакыҩцшеи рҧылара. Иара убас еиҿкаан ақ. Коџьаели ААП ахадареи анапалакыҩцәеи реиҧылара. Еиҿкаан еиуеиҧшым аҩаӡара змоу асасаааирҭақәа рҭаара, рҧышәа аилкаара хықәкыс иҟаҵаны.

Аиҧыларақәа зегьы еиҿкаан аҭырқәуа агакн ала, аиҿкаара ҳаракын. Аҭырқәуа напалакыҩцәа зегь реиҳа изызҿлымҳаз азҵаарақәа ируакын Аҧсны Аҳәынҭқарра аинвестициатә ҭагылазаашьа. Ари аганахь ала ишьҭыҵуан еиуеиҧшым азҵаарақәа ахьчара, азакәанҧҵара, абанктә ҟәша аҿиара уҳәа убас егьырҭгьы.

Аҭырқәуа аган азҿлымҳара ду аанарҧшит Аҧсны азы. Агәрагь рдыргеит иаарласны аҭактә аустә визитла Аԥсны ишаҭаауа.