Жьырныҳәа 29, 2016 шықәса АА ААП Ахадара аилатәара мҩаҧган. Аилатәара аҳәааҳәа ирҭагӡаны алахәылацәа иазааҭгылеит АА ААП 2015 шықәсазтәи аусура аҳасабрбеи анаҩстәи ашықәсазтәи аусура аплани.

Иаазыркьаҿны дықәгылеит Ахадара Ахада, АА Ахәаахәҭра-ааглыхратә палата Апезидент Гагәылиа Геннадии Леонид-иҧа. Иара иазгәаиҭеит аҳасабрбатә период азы Ахәаахәҭра-ааглыхратә палата аусура аҳәынҭқарратә усбарҭақәа русеицура аимадара арӷәӷәара, АА анаплакқәеи анаплакыҩцәеи, УА арегионқәеи, аҳәаанырцәтәи атәылақәеи аимадара абжьаҵареи уи арӷәӷәареи ишадҳәалаз.Аилатәараҿы 2015 шықәса аҳасабрба ҟаҵо иқәгылеит Ахәаахәҭра-ааглыхратә палата анапхгараҭарақәа реиҳабацәа.

2015 шықәсазтәи аҳасабрбатә жәахәқәеи 2016 шықәсазтәи аплани инырзыӡырҩ ашьҭахь Ахадара алахәылацәа АА ААП аусура еиуеиԥшым ахырхарҭақәа еиуеиҧшым ргәаанагарақәа рҳәеит.