Лаҵарамза 22, ақ. Ростов-на-Дону имҩаҧысит Икомерциатәым аусеицура анапалакра арҿиаразы “Жәларбжьаратәи Амшынеиқәатә Клуб Аусуратә Хеилак” 12-тәи Аизара, 2007 шықәса аахыс АА ААП злахәу. Аҧснынтәи аделегациа хадара азиуан Аҧсны Аҳәынҭқарра Ахәҳахәҭра-ааглыхратә палата Ахада – Гагәылиа Генади.

Аизара рхы аладырхәит Ахәҳаахәҭра-ааглыхратә палатақәа 9: АА ААП, Ростовтәи ААП, Таганрогтәи ААП, Приднестровиатәи ААП, Херсонсктәи ААП, Новочеркассктәи ААП, Еисктәи араионбжьаратә ААП, Донецктәи ААП, Совостопольтәи ААП.

 12-тәи аизараҿы иалацәажәан ИА АХ ЖәАК алахәылацәа рыҩганктәи аусеицура азҵаарақәа.Амш азҵаарақәа рахь иалаҵан АА ААП  алагалала , Аусуратә Хеилак алахәылацәа русеицуратә еимадарақәа еиҳа реиҵыхразы.

Аусуратә Хеилак амҩаҧгараан еиҿкаан ақьалақьқәа ринвистициатә цәыргақәҵа, Ареспублика аинвестициақәа адыҧхьалара хықәкыс иҟаҵаны, АА ААП уи аҽаланархәит. Аҧсны аҕәы азҿлымҳара ду цәырнагеит ахәаҧшцәа зегь рҿы, уи  атәыла адәныҟаекономикатә ҿиара акыр иацхраауеит.

Иара убри амш аҽны имҩаҧысит 24-тәи Жәларбжьаратәи Амшынеиқәатә Клуб  Ассамбеиа аилатәара аартра, иара уигьы АА ААП рхы аладырхәит. Ассамблеиа ааиртит ақ. Ростов-на-Дону ахада – Чернышев Михаил Анатоли-иҧа. Иара иқәгылараҿы дазааҭгылеит, ЖәАК аҵакы аекономикаҿи акультуреи рҿы.

Ассамбллеиа аилатәараҿы Аҟәа еиҧш рхы аладырхшит 18 қалақь рхадацәа еиуеиҧшым Урыстәыла, Украина, Грециа, Болгариа, Румыниа уҳәа убас егьырҭгьы.