Ахәаахәҭра-Ааглыхратә палата еиҿнакааз аишәа гежь еизнагеит Гагра араион абизнес анапалакыҩцәа, иара убас аҳәынҭқарратә усбарҭақәеи аҭҵааратә еиҿкаарақәеи.

Аишәа гежь аҿы ихадоу теманы иҟон «Аҧсны Аҳәынҭқарра аекономика аҿиаразҿы анапалакра ароль», иара шан ихадоу азҵаарақәа абарҭ рыла: 1) Иахьатәи аҭагылазаашьаҿы анапалакра аҿиаразы иаԥырхаго; 2) Аҳәынҭқарра иарбан рольу иааннакыло аекономика аиҿкаареи анапалакра адгылареи рҿы; 3) Аԥсны аекономика аҿиара аизырҳаразы  имҩаԥгатәу.

Ари аусмҩаҧгатә, азҿлымҳара дула ирыдкылаз рҽаладырхәит Гагра араион  Ахада - Еныкь Г.Р., аҳәынҭқарратә аҳаз алхратә комитет ахантәаҩы ихтыҧуаҩ – М.Г. Шамба.

Аилатәара ааиртит Аҧсны Аҳәынҭқарра ААП Ахада ихаҭыҧуаҩ А.Н. Лышәба, иара иеизаз зегьы ҭабуп ҳәа реиҳәеит, иара убас иазгәеиҭеит аҳәынҭқарреи абизнес еилазаареи рзы ари еиҧш иҟоу аусмҩаԥгатәқәа акыр шаҵанакуеи ишхымԥадатәуи. А.Н. Лышәба иазгәеиҭеит «ҳара иӡбатәу азҵаарақәа ҳрылацәажәалароуп рыӡбара хықәкыс ишьҭыхны, Аԥсны ҳтәыылауаа рыбзазаратә ԥсҭазаара аҭагылазаашьа аиӷьтәра лҵшәас иҳаауразы.

Гагра араион администрациа Ахада Еныкь Г.Р. иҳәеит: «ҳара даара ҳеигәырӷьоит ари еиҧш иҟоу аусмҩаҧгатә ҳара ҳраион, Гагра аараион аҿы, иахьымҩаҧгахаз, ҭабуп ҳәан раҳәоит Ахәаахәҭра-Ааглыхратә палата аиҿкаараз».

Администрациа Ахада иазгәаиҭеит, Гагра араион аекономика акурортә-туристтә ҟәша ихадоу хәҭаны ишыҟоу, «аха, ус шакәугьы, ақыҭа нхамҩа ахашҭра шыҟамло».

Г.Р. Еныкь игәаанагарала «аусеицурала ҳара иҳалшоит иаҭахә аӡбарҭа аҧшаара».

Абизнес ахаҭарнакцәа активла рҽаладырхәит анапалакратә еилазаараҿ азҿлымҳара змоу азҵаарақәеи аӡбатәқәеи рылацәажәараҿы.

Гагратәи абна нхамҩа адинектор З.Р. Бганба Аҧсны анапалакра ихадоу аӡбатәқәа рахь иҧхьаӡоит: - акредит аиураз ауадаҩра; - атуристтәи акурорттәи ҟәша аганахь ала ааекономика ахыыбакьра; - аимпорт еиҳаупп аекспорт аасҭа; - зхаҭабзиара ҳараку аҩныҵҟатәи аалыҵ аҟамзаара; - абизнес аҳәытқарра азыҟазаашьа, аусуратә кадырқәа разыҟаҵаразы асистема.

Аекономикатә ҭҵаарадыррақәа рдоктор Шьалашьаа З.И. «90-тәи ашықәсқәа  раа Апарламент аҿы депутатс ҳаҟазаара ааамҭазы, ақыҭа нхамҩа аҿиразы акредитқәа ахаҿқәеи аизлазаарақәеи ироуразы иҳарманшәалеит, аха акредит зырхынҳәыз аӡык-ҩыџьак ракәхнит», З.И. Шьалашьа иаҧшьеигеит аҭыҧантәи араниоқәеи ақалақьқәеи рхадара акредит згаз ахархәареи арханҳәреи ахылаҧшра рнапы ианҵазарц.

Агрофирма «Гагрыҧшь» адиректор – И.Д. Хышба иазгәеиҭеит «зегьы ирҳәоит, аҧсуа  ақыҭа нхамҩатә аалыҵ аҭыжьыҩцәа рзы аҳазалхратә баџь аҟәыхуп ҳәа, аха убри аамҭазы зегьы ирхашҭуеит аурыс аҳазалхырҭа, уаҟа акагьы аҟәыхӡам, ирмаҷӡам».

Аҳәынҭқарратә аҳазалхратә комитет ахантәаҩы ихаҭыҧуаҩ М.Г. Шамба – аԥсуа ҳазалхратә усбарҭақәа ҳаҧхьаҟагьы имҩаҧыргалоит аҳазалхратә ҟазшьа змоу ауснагӡатәқәа,абизнес ахьанҭара армаҷра алыршахарц азы, дазааҭгылеит иара. М.Г. Шамба игәаанагарала «урыстәылатәи ашәахтә ахәҧса ацҵараз – 18% даара иҳаракуп ҳара ҳбизнес азы».

Апансионат «Челиускинцев – 2003» адиректор Миносиан Х.М. иазгәеиҭеит, «акурорттә ҟәша 4 мзы мацара роуп аус ахьауа, аӡынра акурорт-туристтә ҟәша аус ауеит иҧсыҽны, еффективтәымкәа, ҳара ҳҿы аенергетикаҵәҟьа уи иазыхиам». – Х.М. Миносиан иҧхьаӡоит, «аҳәынҭқарреи анапалакреи рыбжьа агәреибагаратә еизыҟазаашьа аҭахуп, ахылаҧшратә усбарҭақәа рхаҿала. Раҧхьаӡа инаргыланы, дара абизнес аиҿцәажәаратә цхыраара арҭароуп».

Аишәа гежь алахәылацәа, абизнес анапалакҩцәеи, аҳәынҭқарратәи аҭҵааратәи  усбарҭақәа Аԥсны Аҳәынҭқарра Ахәаахәҭра – Ааглыхратә палата иҭабуп ҳәан рарҳәеит, иазгәарҭеит, анапалакратә еилазааразы аиҿкаара аусура даара акыр шаҵанакуа.

Аишәа гежь амарериалқәа исистемаркны Ахәаахәҭра – Ааглыхратә палатахь иаашьҭхоит.