III Приднестровиатәи аинвестициатә форум аусура хнаркәшеит
Иунь 6-7 ақалақь Тирасполь Аҳәынҭқарра акультуратә центр «Ареспублика ахан» аҿы имҩаԥган III Приднестровиатәи аинвестициатә форум.Еиҿкааҩыс иаман Приднестровиа Молдавиатәи Ареспублика Ахәҳахәҭра-ааглыхратә палата, уи ааԥхьарала ари аусмҩаԥгатәы иалахәын Аԥсны Аҳәынҭқарра Ахәҳахәҭра-ааглыхратә палата, ахада актәи ихаҭыԥуаҩ Лышәба Адгәыр Нурбеи-иԥа ихаҿала.
Афорум ахықәкы- аинвестициатә усура ашьҭыхра, аинвестициатә потенциал арбара.
Афорум аусура рхы аладырхәит 360 афициалтә лахәылацәа, урҭ рҟынтз 125- апроектқәа иравторуп, 48-афорум аиҿкааҩцәа, 44- аҳәынҭқарра ахадара, 13- алахәылацәа, 130- аҳәаанырцәтәи аҭааҩцәа.
Адунеи 29 тәыла рхаҭарнакцәа алахәын афорум: Урыстәыла, Украина, Белорусь, Молдова, Аԥсны, Аахыҵ Уаԥстәыла, Гагаузиа, Италиа, Франциа, Англиа, Бырзентәыла, Шотландиа, Еиду Америка Аштатқәа, Чехиа, Румыниа, Ҭырқәтәыла, Швециа, Австриа, Германиа, Латвиа, Польша, Естониа, Ҭырқәтәыла, Венгриа, Болгариа, Голландиа, Испаниа, Израиль.
Иара убас:
-15 хаҭарнакырҭеи ацҳаражәҳәарҭеи;
-6 ахәҳахәҭра-ааглырратә палатақәа;
-4 жәларбжьаратәи аиҿкаарақәа;
-2 аҳәаанырцәтәи аҳәынҭқарратә усбаарҭақәа;
-40 аҳәаанырцәтәи акоммерциатә еиҿкаарақәа;
Афорум аҿы иаҵаҩын 105 инвестициатә проектқәа, аекономика еиуеиԥшым аҟәшақәа рзы.