Жәабран 5, 2016 шықәсазы аресторан «Ерцахә» имҩаҧган еисышықәсатәи Аҧсны Аҳәынҭқарра анаплакқәа ркаталог.

Сынтәа, а-8-тәи АА анаплакқәа ркаталог атәыла атуристә усура иазкуп.Аҭыжьымҭа адаҟьақәа рҿы иҟоуп аинформациа Аҧсны атуризм аҿиара иазку, ҳтәыла араионқәеи ақалақьқәеи рҭыҧ ҧшӡарақәеи атуристтә аобиектқәеи рфотосахьақәа.

Аҧсны Аҳәынҭқарра Ахәаахәҭра-ааглыхратә палата аусураҿы адгылара анаҭоит Аҧсны атуризм аҿиара жәларбжьаратәи аҩаӡараҿы. 2015 шықшсазы Ахәаахәҭра-ааглыхратә палата иаҭааит абас еиҧш иҟоу атыризмтз усмҩаҧгатәқәа: Жәларбжьаратәи иҷыдоу акцәыргақәа «Амчыбжь иаҵәа 2015» Берлин, Германиа; 19-тәи еисышықәсатәи атуризмтә цәыргақәҵа «Emitt Istanbul 2015» Сҭамбул, Ҭырқәтәыла; 37-тәи еисышықәсатәи жәларбжьаратәи ацәыргақәҵа «Sajam Fair 2015»  Белград, Сербиа; Жәларбжьаратәи атуризмтә цәыргақәҵа «GREEK TOURISM EXPO 2015» Афина, Бырзентәыла. 

Имариамызм аиҿкаара ари аҭыжьымҭа. Ицәырҵуеит иҿыцу апроектқәа, акомпаниақәа, анаплакқәа, дара рхыҧхьаӡара еисышықәса иазҳауеит, урҭ зегьы анырҧштәуп Акаталог аҿы.

Ацәыргақәҵаҿы ицәырган аҧсуа ҭыжьыҩцәа раалыҵ «Напитки Абхазии и К», «Аҟәатәи» ауараш зауад», Аҧсуа милаҭтә ашьхааӡаҩцәа реидгыла, аӡыржәтә «Кәыдры».