Краснодартәи Ахәҳаахәҭра-ааглыхратә палата ааҧхьарала, Анапалакыҩцәа русура анапхгараҭара аиҳабы Зекир-оӷлы Кира напхгара зылҭоз Аҧсны Аҳәынҭқарра Ахәҳаахәҭра-ааглыхратә палата аделегациа аҭааит Краснодар ҧхынҷкәын 11 инаркны 14-нӡа имҩаҧысуаз Ҭырқәтәылатәи атауарқәа рцәыргақәҵа.

Аҧсны анапалакыҩцәа жәа-ҩык инареиҳаны: «Мон-кафе», Ахәаахәҭратә ҩны «Сим», ЗҲәА «Клен» уҳәа егьырҭ рҽаладырхәит ари аусмҩаҧгатә, ацәыргақәҵа аҭаара иалҵҵәаны Аҧсны анапалакыҩцәа Самсун абизнесуаа реимадара бжьарҵеит, анаҩс арҭ аимадарақәа наҟ-ааҟ еицырзыфеидоу аусура ахылҿиаар алшоит.

Ари аусҩаҧгатә хықәкы хадас иамоуп Аҧсни, Ҭырқәтәылеи Краснодартәи атәылаҿацәи ах-ганктәи ахәҳаахәҭра-економикатә еимадарақәа рырҿиара.