Лугансктәи Жәлар Республика аҟны имҩыҧысит III Аекономикатә форум. Уаҟа рхы аладархәит Финдлиандиа, Саудовтәи Аравиа, Италиа, Польша, Ҭырқәтәыла, Урыстәыла, Аҧсны, Аахыҵ-Уаҧстәыла ДЖәР, иара убас арегионқәа жәпакы рхаҭарнакцәа. Насгьы, Афорум иалахәын 400 инареиҳаны адунеижәларбжьаратәи аеконмикеи абизнеси аекспертцәеи, ҳаҭыр зкәу аҵарауааи.

III Аекономикатә форум амҩаҧгара хықәкы хадас иаман - Лугансктәи Жәлар Республика аекономика арҿиара, иахьазы иҟоу аррратә еибырххаратә ҭагылазаашьа азгәаҭаны, ареспублика аинвестициатә потенциал аизырҳара, насгьы аалыҵ ахьырҭиуа аџьырмыкьақәа рырҭбаара.

Аҧсны Аҳәынҭқарра Ахәаахәҭра-ааглыхратә палата ахада лыдҵала, афорум ихы​ алаирхәит Лугансктәи Жәлар Республика аҟны иҟоу ААП аофициалтә хаҭарнак Сергеи Ладариа. Афорум аусура иалагӡаны иара дырҧылеит Донецктәи Жәлар Республика ААП ахада Валериа Булыгеи, Лугансктәи Жәлар Республика ААП ахада Анатоли Чехови, иара убас еиуеиҧшым абизнес-еилазаарақәа рхаҭарнакцәеи. Аиҧыларақәа рыҟны иалацәажәон Аҧсны Аҳәынҭқарра ААП, ДЖәР ААП, ЛЖәР ААП анаҩстәи русеицура аизырҳара.

- Хара ҳрылацәажәеит еиҳа хра злоу Лугантәии Донецктәии Жәлартә Республикақәа рырҿиара азы иҟоу амҩақәа, уи аганахь ала ҳдыррақәа еимаҳдеит.

Ари афорум акыр ҵакы змоу аицәажәаратә ҭыҧуп ҳәа исыҧхьаӡоит. Сара сгәыӷәуеит, Донбасс аинвестициақәа адыҧхьаларазы иалаҳкааз аӡбырақәа еффективла уи адәныҟатәиаекономикатә аимадарақәа еиздырҳап ҳәа, - азгәалҭеит Донецктәи Жәлартә Республика Ахәаахәҭра-ааглыхратә палата ахантәаҩы Валериа Булыга.

Афорум аиҿцәажәаратә ҭыҧқәа рыҟны имҩаҧысит Лугантәи Жәлартә Республика аинвестициатә потенциал алацәажәара, иҭцаан абизнеси аиҳабыреи реимадара, аҳәынҭқарра аинвесторцәа ирынаҭо адгылара, иара убас ЛЖәР аҟны аинвестициақәа рзы еиҳа аперспектива змоу ааглыхрақәа.

Иара убас, афорум аҩныҵҟа имҩаҧысит анхамҩа аныҟәгаҩцәа рыбжьара аусуеицуразы аиқәшаҳаҭрақәа рнапаҵаҩра.