Рашәара 6 инаркны 7 нӡа Приднестровиатәи Малдавиатәи Аҳәынҭқарра ақ. Терасполь Ш Приднестровиатәи аинвестициатә форум мҩаҧысуеит.

Афорум ахықәки аҳасабтәқәеи – аинвестициатә усура аизырҳара, аинвестициатә потенциал арбара, Приднестровиа асоциатә ҟәшеи аекономикеи аҳәаанырцәтәи аинвестициақәа адыҧхьалара.

Аорум еиҿнакаауеит Приднестровиатәи Малдавиатәи Ахәҳаахәҭра-Ааглыхратә Палата, Приднестровиатәи Ахадареи, аминистрреи, аусбарҭақәеи, Аҳәынҭқапрра араионқәеи ақалақьқәеи рхадара адгыларала.

Афорум рхы аладырхәуеитПриднестровиатәи Аҳәынҭқарра ахадара ахаҭарнакцәа, абанкқәа, атәым ҳәынҭқаррақәа рхаҭарнакцәа, ахалатә инвесторцәа, анапалакыҩцәа еиуеиҧшым атәылақәа рҟынтә.

Афорум аҳәаақәа ирҭагӡаны имҩаҧгахоит аинвестициатәи аусуратә климат рылацәажәара иазку аплинартә еилатәара, атематикатә аишәа гьежьқәа зҿы иӡыргахо акоммерциатәи, асоциалтә агәыҳалалратәи проектқәа, аинвестициатә проектқәа рцәыргақәҵа, аусуратә еимадарақәа рбиржа, адгьылхҵәахақәа раукцион, аҭоурыхтә ҭыҧқәеи иреиҕьу анаплакқәеи рҭаара.

Афорум алахәразы ааҧхьара рымоуп жәларбжьаратәи аиҿкаарақәа, аинвестициатә фондқәа, афинанстә-ааглыхратә гәыҧқәа, приднестровиатәи аҳәаанырцәтәи абизнес ахаҭарнакцәа.

Ари аусмҩаҧгатә аҿы Аҧсны Аҳәынҭқарра Ахәҳаахәҭра-Ааглыхратә Палата ахьӡ ала даҭаауеит АА ААП Ахада актәи ихаҭыҧуаҩ Лышәба А.Н.