Жьҭаара 17, 2012 шықәсазы Москва Ахадара Аҩнаҿы имҩаҧысит Жәларбжьаратәи аекономикатә форум Иаку аекономикатә еиужьра – Евразиахь аинтеграциаз амҩа», Москватәи Ахәаахәҭра-Ааглыхратә палата адгыларала Урыстәыла аусеицура еиҿнакааз, аиҿкааҩцәа рааҧхьарала афорум иалахшын Аҧсны Аҳәынҭқарра Ахәаахәҭра-Ааглыхратә палата, Аҧсны Аҳәынҭқарра аполитикатәи аҳәынҭқарратәи аҵара-аҭҵааратәи уаажәларра рхаҭарнакцәа.

Афорум ихадоу ахықәкқәеи аҳасабтәқәеи иреиуоуп: Урыстәыла Афедирациеи атәымтәылатәи  аҳәынҭаррақәа рактивтә ҿар згәалаҟоу Урыстәыла Афедирациа рырҭбаара, Урыстәыла Афедирациеи дара зхаҭарнаку аҳәынҭқаррақәеи реилахәратә реилахәратә еизыҟазаашьақәа рырӷәӷәара алархәра.

Афорум аусураҿы рхы аладырхәит: Афедирациа Ахеилак, Аҳәынҭқарратә Дума, иалахәыз аҳәынҭқаррақәа рыцҳаражәҳәаҩцәа, анапалакратәи афинанстә еиҿкаарақәеи, аексперттә еиҿкаарақәеи, аусхкқәа реилакқәеи.

Афорум апленартә еилатәараҿ рхы аладырхәит Урыстәыла Афедирациаҿ Аҧсны Аҳәынҭқарра Ацҳаражәҳәаҩ Ахба Игорь. Урыстәыла аинвестициатә политиказы Аҧсны Ахәаахәҭратә хаҭарнак Барцыц Олег, Ахәаахәҭратә хаҭарнак иабжьгаҩ Гәлиа Т.Г., ицхырааҩ Барзаниа А.Х.

Афорум ааиртит Урыстәыла аусеицура ахада ихаҭыҧуаҩ Гьаргь Мурадов. Иара иажәахә аҟын дазааҭгылеит афорум ҳаҧхьатәи аҧеиԥш ишаныҧшуа, «ҳажхларқәа иаку аиужьраҿ имҩаҧыргаз, ҳаҧхьатәи аҭоурых ахәдықәҵара ауеит».

Аплинартә еилатәараҿ иҟаз МААП адиректор хада иазгәеиҭеит Евразиатәи аилазаара ала аилазаара СНГ атәылақәа рҿы аинвестициатә проектқәа рымҩаҧгара ишахәо, иара убас аполитикцәа рымҩаҧгамҭақәа зегьы абизнес аҧшьгара шалазар акәу.

Жәларбжьаратәи аекономикатә форум «Иаку аекономикатә еиужьра – Евразиахь аинтеграциа амҩа» иалахәыз Ихьаҧшым Аҳшынҭқаррақәа Реимабзиара аҵакыраҿы аинтеграциатә процессқәа ирызку иҭбаау азҵаарақәа иазааҭгылеит.

Афорум иалагӡан еиҿкаан астол гьежьқәа ҩба: «Аекономикатә проектқәа рыҿиаразы аҭагылазаашьақәа аҧҵареи Евразиатә ҵакыратә системахь аинтеграциеи», Евро-Азиа Економикатә Еимабзиара амаҭәахәқәеи аинфроструктура аҿиара».

Имҩаҧган аиҧыларақәа жәпакы Урыстәыла Афедирациа атранспорт аминистрреи Москватәи Аҳәынҭқарратә Университети рҿы, урҭ аиҧыларақәа рхы аладырхәит ауниверситет аректори зҭакҧхықәу атранспорт аусуаҩцәеи.

Афорум алахәылацәа иаҭааит ОАО «Зеленоградтәи аинновациатә технологиақәа рцентр»

Иазҧхьагәаҭоуп Ихьаҧшым аҳәынҭқаррақәа Реимабзиара аусқәа рзы Афедтрациатә Агентра Ахада Косочев К.И. иҧылара.

Афорум ахыыркәшараан Гьаргь Мурадов дазааҭгылеит аинтеграциатә процесс иалахәу аҳәынҭқаррақәа аус адулараз ихадоу азҵаарақәа: адырраҭаратә усура арӷәӷәареи, абизнес алаларазы иманшәалоу аҭагылазаашьа аҧҵареи, аинтеграциатә идеологиа аус адулареи.

Афорум алахәылацәа иақәгәыӷуеит Афорум аҩныҵҟа имҩаҧгаз аимак-аиҿаки ааихшьаалеи асоциалтә-економикатә еизыҟазаашьақәеи арегионтә еимадареи аҿиара апроцесс иацнаҵап ҳәа.

Афорум аус ауан жьҭаара 21 нӡа.