Лаҵарамза 15, 2015 шықәсазы Румыниа ақ. Галац Жәларбжьаратәи Амшынеиқәатә Клуб 25-тәи Ассамблеиеи МЧК Аустә Хеилак 14-тәи аилатәареи мҩаҧысит.

МЧК Ассамблеиа аҿы Аҟәа ақалақь хаҭарнакра азиуеит Аҧсны Аҳәынҭқарра Ахәаахәҭра-ааглыхратә палата Ахада Гагәылиа Геннади.

Аклуб аҧҵан Амшәын еиқшатәи аҵакыра иаҧну абаӷәаза-қалақьқәа рустә усеицура арҿиареи арӷәӷәареи хықәкыс иҟаҵаны.

Иахьатәи амш азы ари Аклуб иалахәуп 29 қалақь: Азов, Анапа, Баҭым, Бургас, Галац, Измит, Ильичевск, Кавала, Констанца, Мариуполь, Одесса, Пиреи, Ҧыҭ, Ростов-на-Дону, Салоники, Самсун, Севастополь, Аҟәа, Таганрог, Темриук, Тирасполь, Трабзон, Туапсе, Феодосиа, Херсон, Иужныи, Иалта.

Аклуб иара алахәылацәа рыбжьара асоциалтәи, аекономикатәи, атехнологиатәи ҟәшақәа рҿы аусеицура  хықәкыс иамоуп, иара убас иара иадгылоит аспортти акультуреи рызҵаатәқәа.